Shymkentte kámeletke tolmaǵandarǵa qarsy jasalǵan qylmystar 34,2 paıyzǵa ósti

ShYMKENT. KAZINFORM — Kámelet jasqa tolmaǵandarǵa qarsy jasalǵan qylmystar 152-den 204-ke ósip otyr. Bul týraly Shymkent qalasy prokýratýrasynyń qoǵamdyq múddelerdi qorǵaý basqarmasynyń bastyǵy Baqytjan Baıǵozıev málimdedi.

Jyl basynan beri mobıldik toptar 500-den astam túngi reıdter júrgizgen. Nátıjesinde 5 myńnan astam kámeletke tolmaǵan jas anyqtalyp, olardyń ata-analary ákimshilik jazaǵa tartyldy. Al, 600-den astam bala beıimdeý ortalyǵyna ornalastyryldy. 

— Bıylǵy jyldyń 11 aıynda kámelet jasqa tolmaǵandarmen jasalǵan qylmystar 2,7 paıyzǵa tómendegen. Degenmen, kámelet jasqa tolmaǵandarǵa qarsy jasalǵan qylmystar 34,2 paıyzǵa ósip otyr. Bul uryp soǵý, urlyq, jol júrisi qaǵıdalaryn buzýy qylmystaryn jasaý faktileriniń ósýimen tikeleı baılanysty. Kámelet jasqa tolmaǵandar jáne olarǵa qarsy jasalǵan qylmystyq quqyq buzýshylyqtyń aldyn alý profılaktıkasy boıynsha qala prokýrorynyń ókimimen 71 mobıldik top quryldy. Olar turaqty túrde apta saıyn túngi reıdtik is-sharalardy júrgizýde, — dedi Baqytjan Baıǵozıev.

Aıta keteıik, budan buryn Shymkentte jeke turǵyn úı órtenip, 52 jastaǵy áıel qaıtys bolǵanyn jazǵan bolatynbyz.