Shymkentte ıt talap, dárigerge júginetinder kóbeıdi
ShYMKENT. KAZINFORM – Ótken jyly óńirde 2000-ǵa jýyq adamdy ıt tistegen.
Shymkent qalasy boıynsha janýarlardan jaraqat alyp medıtsınalyq kómekke júgingender sany 1,8 paıyzǵa ósken.
Jalpy ótken jyly 3145 adam janýardan jaraqat alsa, onyń 74,4 paıyzy ıtterden zardap shekken.
Al, onyń ishinde 14 jasqa deıin balalar úlesi 48,3 paıyzdy qurap otyr.
Bir aıta keterligi, ótken jyly qalada janýarlar arasynda qutyrý aýrýyna qatysty bir jaǵdaı zerthanalyq tásilmen anyqtaldy.
Al, adamdar arasynda atalǵan aýrý túri tirkelmedi.
«Qutyrý aýrýy tabıǵatta negizinen ıt tuqymdas janýarlardyń arasynda jıi taralǵan. Aýrýdyń qozdyrǵyshy — vırýs, ol adam men janýarlardyń júıke talshyqtaryna enip, onyń mı qyrtystaryn zaqymdaıdy. Qutyrýǵa qarsy ekpe tegin egiledi! Minezinde ózgerister baıqalǵan janýarlardy qamaý kerek, balalardy kúdikti janýarlardan aýlaq ustap, der kezinde mal dárigerin shaqyrý qajet. It, mysyq asyraıtyn bolsańyz, mal dárigerine kórsetip, keńes alyp, qutyrý aýrýyna qarsy vaktsına saldyryp turyńyzdar», — dedi Shymkent qalasynyń SEBD basshysy Ábdimanap Tólebaev.
