Shymkentte ınvestordyń quqyǵyn buzǵan laýazymdy tulǵalar jaýapqa tartyldy
ShYMKENT. KAZINFORM – Prokýrorlyq qadaǵalaý barysynda kásipkerge 466,5 mln teńge somasyna zań buzýshylyqtardy joıý týraly habarlama negizsiz joldanǵany anyqtaldy.
Shymkent qalasynyń prokýratýrasy Bas prokýratýranyń Investorlardyń quqyqtaryn qorǵaý komıtetiniń úılestirýimen, memlekettik kirister organdarynyń laýazymdy tulǵalary tarapynan kásipker men ınvestordyń qyzmetine zańsyz aralasý faktileriniń jolyn kesti.
Prokýrorlyq qadaǵalaý barysynda kásipkerge 466,5 mln teńge somasyna zań buzýdy joıý týraly habarlama negizsiz joldanǵany anyqtaldy. Al is júzinde anyqtalǵan buzýdyń kólemi 28 mln teńge. Memlekettik organnyń zańsyz áreketteri kásipker quqyǵyn buzǵan.
Prokýrorlyq qadaǵalaý aktisi boıynsha zańsyz habarlama kúshin joıdy. Kináli laýazymdy tulǵa Ákimshilik quqyq buzýshylyq týraly kodeksiniń 173-baby boıynsha ákimshilik jaýaptylyqqa tartylyp, 216 250 teńge aıyppul salyndy.
Budan bólek, kásiporynnyń bank shottaryna qoıylǵan shekteýdi ýaqytyly alyp tastamaý arqyly ınvestordyń quqyqtaryn buzǵan taǵy bir salyq organynyń qyzmetkeri ákimshilik jaýaptylyqqa tartyldy.
Aıta ketelik ınvestordy zańsyz teksergen memlekettik organ jaýapqa tartylýy múmkin.
