Shymkentte ınternet-alaıaqtyqqa qarsy buǵattaý júıesi keńeıtiledi
ShYMKENT. KAZINFORM – Telefon jáne ınternet alaıaqtyqpen kúrestiń jańa kezeńi bastaldy. Qala prokýratýrasynyń bastamasymen Qazaqtelekom AQ basqarma tóraǵasy Baǵdat Mýsın jumys saparymen qadaǵalaý organyna bardy.
Kezdesý barysynda ulttyq telekom-operator basshysy kıberqylmys pen ınternet-alaıaqtyqqa qarsy is-qımyl jasaý úshin qurylǵan «Antıfrod-koll-ortalyqtyń» jumysymen tanysty.
Mamandardyń aıtýynsha, bul tetik qylmystarǵa qarsy tek áreket etýge emes, olardyń aldyn alýǵa múmkindik beredi. Sondaı-aq azamattardyń qarjylyq shyǵynǵa ushyraý jáne psıhologııalyq qysym kórý táýekelderin azaıtýǵa baǵyttalǵan.
Qala prokýratýrasy málimetinshe, alaıaqtardyń eń kóp taralǵan shemalary – jalǵan taýar jetkizý, týystarynyń atynan jol-kólik oqıǵasy týraly habarlama taratý, salyq organdary atynan qońyraý shalý jáne medıtsınalyq tekserýge shaqyrý.
Kezdesý qorytyndysy boıynsha ınternet-alaıaqtyqpen kúresti kúsheıtý úshin tsıfrlyq baılanys salasyndaǵy ózge provaıderlerdi tartý arqyly áriptestikti keńeıtý týraly kelisimge qol jetkizildi.
Baılanys operatorlary arasyndaǵy ózara is-qımyldy arttyrý júıeniń tehnıkalyq múmkindikterin keńeıtip, azamattardy qorǵaý tıimdiligin kúsheıtedi.
Aıta keteıik, 2025 jyly onlaın-oıyndarǵa aqshalaı qarajat salý arqyly jasalǵan 128 alaıaqtyq tirkeldi.