Shymkentte Halyqqa qyzmet kórsetý ortalyǵynyń shatyry órtendi

Shymkentte Halyqqa qyzmet kórsetý ortalyǵynyń shatyrynan órt shyqty, dep habarlaıdy QazAqparat tilshisi.

Ǵımarattyń 65 sharshy metr shatyry janyp ketti. Oqıǵa ornyna Shymkent qalasy TJD qarasty Órt sóndirý qyzmetiniń 74 qyzmetkeri, 17 tehnıkasy jumyldyryldy. Zardap shekkender men qaıtys bolǵandar joq.

«Órt saǵat 17:56-da oqshaýlanyp, saǵat 18:02-de tolyǵymen sóndirildi. Aldyn ala boljam boıynsha órt elektr jelileriniń qysqa tuıyqtalýynan shyqqan»-delingen Shymkent qalasy TJD qoǵammen baılanys toby taratqan aqparatta.