Shymkentte halyqaralyq izdeýde júrgen asa qaýipti qylmysker ustaldy

Halyqaralyq izdeýde júrgen asa qaýipti qylmysker Shymkent qalasynda ustaldy, dep habarlaıdy QazAqparat.

Er adam Ózbekstannyń quqyq qorǵaý organdarynan alaıaqtyq jasaǵany úshin jasyrynyp kelgen. «Zańsyz kelýshi -2023» óńirlik operatsııasy kezinde Turan APB-nyń kóshi-qon qyzmetkerleri Jergilikti polıtsııa bóliminiń tártip saqshylarymen birlesip, el aýmaǵynda zańsyz júrgen 34 jastaǵy shetel azamatyn ustady.

"Quqyq buzýshynyń jeke basyn anyqtaý kezinde, Ózbekstan Respýblıkasynda halyqaralyq izdeýde júrgen asa qaýipti qylmysker ekeni belgili boldy. Kórshi eldegi polıtseılerdiń baǵyttamasynda, er adam 2022 jyly qylmystyq jaýapkershilikten bas saýǵalap qashyp ketkeni jáne qarýly bolýy múmkin ekeni kórsetilgen. Alaıda, sheteldikten eshqandaı qarý tabylmady. Qazirgi tańda, kúdikti qamaýda. Ony Ózbekstan Respýblıkasyna ekstradıtsııalaý jumystary júrgizilýde", - dep jazdy ІІM.