Shymkentte gazdan ýlanǵan 4 adamnyń bireýi kóz jumdy, úsheýi aýrýhanada jatyr

ShYMKENT. KAZINFORM - Gazdan ýlanǵan 3 adam aýrýhanada jatyr, onyń ekeýi - 3 jáne 4 jastaǵy balalar. 

Qaıǵyly oqıǵa keshe keshkisin boldy. Iran peshin durys qoldanbaý saldarynan 55 jastaǵy jergilikti turǵyn qaıtys boldy. Sondaı-aq 27 jastaǵy er adam men 4 jáne 3 jastaǵy eki bala aýrýhanaǵa jatqyzyldy.

«Oqıǵa ornyna kelgen «KazTransGaz Aımaq» AQ-nyń apattyq brıgadasy as úıde gaz plıtasynan bólek, Irannyń jylytý gaz kamıni ornatylǵanyn anyqtady. Ol shamamen 7 metrlik ottegi shlangisi arqyly gazǵa jalǵanǵan. Onyń 3 metrden asatyn tútin qubyry úı qabyrǵasyn tesý arqyly shatyr astyna shyǵarylǵan. ıAǵnı, murjanyń tartýy joq. Jalpy, Iranda shyǵarylǵan gaz kamıni úı ishine ornatýǵa arnalmaǵan. Ony tek terrassa, kireberis sııaqty taza aýa úzdiksiz almasyp turatyn qaýipsiz jerde ǵana qoldanýǵa ruqsat etiledi», - delingen «KazTransGaz Aımaq» AQ taratqan aqparatta. 

Qazirgi sátte gaz mamandary úıdi «kógildir otynnan» ajyratty. Jazataıym oqıǵa sebepteri sot-medıtsınalyq saraptama qorytyndysy boıynsha anyqtalady.