Shymkentte gaz úshin artyq eseptelgen 80,9 mln teńge tutynýshylarǵa qaıtarylady
ASTANA. KAZINFORM – Básekelestikti qorǵaý jáne damytý agenttiginiń Shymkent qalasy boıynsha departamenti QAZAQGAZ AIMAQ-tyń óńirlik óndiristik fılıalyna qatysty tergep-tekserý júrgizdi.
Básekelestikti qorǵaý jáne damytý agenttiginiń Shymkent qalasy boıynsha departamenti «QAZAQGAZ AIMAQ» AQ-nyń óńirlik óndiristik fılıalyna qatysty tergep-tekserý júrgizdi.
Tergep-tekserý barysynda fılıaldyń óziniń ústem jaǵdaıyn teris paıdalaný saldarynan 1755 tutynýshynyń zańdy quqyqtaryn buzǵany anyqtaldy, ıaǵnı Kásipkerlik kodekstiń 174-babynyń talaptary buzylǵan.
— Júrgizilgen tergep-tekserý nátıjeleri boıynsha departament kodekstiń 226-babyna sáıkes Qazaqstan Respýblıkasynyń básekelestikti qorǵaý salasyndaǵy zańnamany buzýdy toqtatý jáne olardyń saldaryn joıý týraly nusqama shyǵardy.
Bastapqy jaǵdaıdy qalpyna keltirý maqsatynda 1755 tutynýshynyń paıdasyna 80,9 mln teńge somasyna qaıta esepteý júrgizilmek, — delingen Básekelestikti qorǵaý jáne damytý agenttigini habarlamasynda.
Aıta ketelik «Qazaqtelekom» Básekelestikti qorǵaý agenttigi júrgizip jatqan tergeýge qatysty pikir bildirgen edi.