Shymkentte gaz qubyrynan órt shyqty
ShYMKENT. KAZINFORM — Eńbekshi aýdanynyń «Bazarqaqpa» turǵyn alabynda jeńil avtokóliktiń shkafty gaz rettegish pýnktine soǵylýy saldarynan gaz-aýa qospasynyń jarylysy bolyp, arty fakeldi janýǵa ulasty.
Oqıǵa ornyna jedel jetken alǵashqy órtke qarsy qyzmet bólimsheleri órtti sóndirý men konstrýktsııalardy salqyndatý úshin 2 jaýyngerlik oqpanmen sý atty.
— Órt sóndirýshiler jalyndy oqshaýlap, onyń turǵyn úılerge taralýyna jol bermedi. Gaz-aýa qospasynyń soqqysy saldarynan jaqyn mańdaǵy jeke úıdiń terezeleri zaqymdandy, — dep habarlady qalalyq TJD.
Órt sóndirildi. Zardap shekkender joq. Júrgizýshi órt kúsheıgenge deıin avtokólik salonynan óz betinshe shyǵyp úlgergen.
Budan buryn Shymkentte gaz úshin artyq eseptelgen 80,9 mln teńge tutynýshylarǵa qaıtarylǵanyn jazǵan edik.