Shymkentte gaz qubyryn jóndeýge baılanysty 16 avtobýs baǵyty boıynsha qozǵalys kidirdi
ShYMKENT. KAZINFORM – Qala turǵyndary men qonaqtaryna gazben jabdyqtaý júıesindegi josparly jóndeý jumystaryna baılanysty qoǵamdyq kólikterdiń qozǵalysynda ýaqytsha kidiris bolatyny eskertildi. Jóndeý jumystary 23 shildege deıin jalǵasady.
Gaz berýdiń ýaqytsha shektelýine baılanysty avtogaz quıý stantsııalarynda kezek kóbeıgen. Saldarynan birqatar avtobýs baǵyttary belgilengen kesteden keshigip jatyr.
Ýaqytsha kidiris №5, 10, 15, 17, 21, 26, 34, 52, 66, 75, 113, 133, 138, 158, 182 jáne 191 baǵyttarynda baıqalady.
– Avtogaz quıý stantsııalaryndaǵy kezekke baılanysty keıbir avtobýstardyń janarmaı quıý ýaqyty uzardy. Sonyń áserinen baǵytqa kesh shyǵý jaǵdaılary bolyp jatyr. Gazben jabdyqtaý júıesindegi jóndeý jumystary aıaqtalǵannan keıin qoǵamdyq kólikter qalypty rejımde qatynaıdy, – dep habarlady qalalyq jolaýshylar kóligi jáne avtomobıl joldary basqarmasy.
Vedomstvo qala turǵyndary men qonaqtarynan ýaqytsha qolaısyzdyqtarǵa túsinistikpen qaraýdy surady.
Buǵan deıin Shymkentte 17 gaz taratýshy mekemege suıyq otyn talapqa saı bólinbegeni týraly habarlaǵan edik.
