Shymkentte gaz qubyry órtenip, jalyn turǵyn úılerge taraı jazdady
ShYMKENT. KAZINFORM – Shymkentte qutqarýshylar gaz qubyrynda shyqqan órtti sóndirip, jalynnyń jaqyn mańdaǵy turǵyn úılerge taralýyna jol bermedi, dep habarlaıdy Tótenshe jaǵdaılar mınıstrligi.
Búgin «112» pýltine qalanyń Eńbekshi aýdanyndaǵy Qaratóbe tas jolynda ornalasqan gaz qubyrynda gaz tutanǵany týraly habarlama túsken.
Oqıǵa ornyna qutqarýshylar jedel jetti. Alǵashqy bólimsheler kelgen kezde júk kóligi men burǵylaý jabdyǵy ashyq jalynmen janyp jatqan.
– Gaz qyzmeti ventıldi jaýyp, gaz berýdi toqtatty. TJM bólimsheleri gaz qubyryn salqyndatyp, órtti sóndirdi jáne jalynnyń jaqyn ornalasqan turǵyn úılerge taralýyna jol bermedi, – delingen vedomstvo habarlamasynda.
TJM órt nemese basqa da tótenshe jaǵdaı týyndaǵan kezde «112» nómirine dereý habarlasý qajettigin eske saldy.
Aıta keteıik, Almatyda kabeldik shahtadaǵy órtke baılanysty jedel shtab quryldy.
