Shymkentte Frantsııanyń qurmetti konsýldyǵy ashyldy
ASTANA. KAZINFORM — Jańa konsýldyqtyń ashylýy Frantsııa men Shymkent qalasy arasyndaǵy dıplomatııalyq, ekonomıkalyq, mádenı jáne ǵylymı baılanysty odan ári nyǵaıtýǵa serpin beredi, dep habarlaıdy qala ákiminiń baspasóz qyzmeti.
Shymkent qalasynda Frantsııanyń Qurmetti konsýldyǵy resmı túrde ashyldy. Bul bastama Shymkent qalasynyń ákimdigi men Frantsııanyń Qazaqstandaǵy elshiligi arasynda 2025-2028 jyldary birlesken jobalardy júzege asyrýǵa baǵyttalǵan Yntymaqtastyq jónindegi jol kartasy aıasynda iske asyrylyp otyr.
Jańa konsýldyqtyń ashylýy Frantsııa men Shymkent qalasy arasyndaǵy dıplomatııalyq, ekonomıkalyq, mádenı jáne ǵylymı baılanysty odan ári nyǵaıtýǵa serpin beredi. Sonymen qatar, óńirge ınvestıtsııa jumyldyrýǵa, birlesken jobalardy júzege asyrýǵa jáne halyqaralyq yntymaqtastyqty keńeıtýge yqpal etedi.
— Konsýldyq saýda-ekonomıkalyq baılanystarǵa kómektesý, Qazaqstandaǵy Frantsııa azamattarynyń quqyǵy men múddesin qorǵaýǵa qoldaý kórsetý, qujattardy (pasporttar, vızalar jáne t. b.) alýǵa baılanysty kómek kórsetý, frantsýz taýarlary men qyzmetterin jergilikti naryqta ilgeriletý, eki el arasyndaǵy ekonomıkalyq, ǵylymı jáne saýda yntymaqtastyǵyn damytý, sondaı-aq, mádenı jáne bilim berý is-sharalaryn uıymdastyrýǵa qoldaý kórsetý baǵyttary boıynsha qyzmet kórsetedi, — delingen habarlamada.
Frantsııanyń Shymkent qalasyndaǵy Qurmetti konsýldyǵynyń ashylýy óńirdiń halyqaralyq seriktestikke ashyqtyǵyn aıqyn kórsetip, Shymkenttiń jahandyq deńgeıdegi bedelin arttyrýǵa yqpal etetin mańyzdy qadam bolyp sanalady.