Shymkentte esirtkini jarnamalaıtyn 500-den astam jazba joıyldy
ASTANA. KAZINFORM – Shymkentte esirtki quraldary men psıhotroptyq zattardy nasıhattaıtyn 500-den astam zańsyz jazba anyqtalyp, joıyldy, dep habarlaıdy Polisia.kz.
«Zań men tártip» qaǵıdaty aıasynda Polıtsııa departamentiniń bastamasymen «Shymkent – esirtkisiz qala» is-sharasy uıymdastyryldy.
Oǵan memlekettik organdardyń ókilderi, polıtsııa qyzmetkerleri, jastar, eriktiler, qoǵamdyq uıymdar men belsendi azamattardy qosa alǵanda, 3 myńǵa jýyq adam qatysty.
– Saptyq jıynnan keıin qatysýshylar qalanyń bes aýdanyna bólinip, polıtsııa qyzmetkerlerimen birlesip belgilengen aýmaqtardy tekserdi. Jumys barysynda esirtkini nasıhattaıtyn 500-den astam zańsyz jazba anyqtalyp, joıyldy, – delingen habarlamada.
Іs-shara barysynda Shymkenttiń barlyq aýdany qamtyldy. Qatysýshylar turǵyn úılerdiń qabyrǵalaryn, qorshaýlar men ózge de nysandardy tekserdi.
Polıtsııa turǵyndardy esirtki quraldarynyń zańsyz aınalymyna qatysty derekterge beıjaı qaramaı, mundaı faktiler týraly quqyq qorǵaý organdaryna habarlaýǵa shaqyrdy.
Aıta keteıik, ShQO-da medıtsına qyzmetkerleri patsıentterge esirtkisi bar dári ótkizgen.
