Shymkentte esirtkimen aınalysqan eki sheteldik ustaldy

ASTANA. KAZINFORM — Shymkentte esirtkini jasyryn qoıyp ketýmen aınalysqan eki sheteldik ustaldy, dep habarlaıdy Polisia.kz.

Shymkent qalasy polıtsııa departamentiniń qyzmetkerleri jedel is-sharalar nátıjesinde esirtki zattaryn jasyryn oryndarǵa qoıýmen aınalysqan eki shetel azamatyn ustady. Tekserý barysynda olardyń birinen aldyn ala ótkizýge daıyndalǵan 8 orama esirtki jáne skotchpen qaptalǵan polıetılen paketine salynǵan untaq túrindegi esirtki zaty tárkilendi. Salmaǵy — 200 gramm.

Belgili bolǵandaı, ol qaladaǵy qonaq úılerdiń birinde turyp, qala aýmaǵynda baılanyssyz jolmen esirtki taratýmen aınalysqan jáne jasyryn oryndardyń mekenjaıymen messendjerde bólisip otyrǵan. Ekinshi kúdiktiden ótkizýge daıyndalǵan 25 orama esirtki zaty tabylyp, tárkilendi.

Atalǵan derekter boıynsha qylmystyq ister qozǵalyp, tergeý áreketteri júrgizilip jatyr. Ustalǵandar qamaýǵa alyndy.

Osyǵan deıin Astanada esirtki zerthanasy joıylyp, úsh qylmystyq top ustalǵany týraly jazdyq.