Shymkentte esirtki zerthanasyn basqaryp kelgen qylmystyq top sottaldy
ASTANA. KAZINFORM — 2023–2024 jyldar aralyǵynda «A» esimdi azamat basshylyq etken qylmystyq top «Telegram» áleýmettik jelisi arqyly asa iri kólemde psıhotroptyq zattardy zańsyz daıyndap, saqtap, satyp kelgen.
Shymkent qalasynyń prokýratýrasynyń aqparatyna sáıkes, top músheleri Shymkent qalasynda esirtki zerthanalaryn ashyp, prekýrsorlardy paıdalaný arqyly esirtki zattaryn óndirýmen, satýmen aınalysqan.
Arnaıy operatsııa júrgizý barysynda qylmystyq toptyń 4 múshesi ustalyp, olardan 3 kg asa psıhotroptyq zattar, zerthana jabdyqtary men qarajattar tárkilendi.
— Shymkent qalasynyń qylmystyq ister jónindegi mamandandyrylǵan aýdanaralyq sotynyń 2025 jylǵy 19 qyrkúıektegi úkimimen atalǵan azamattar qylmystyq top qurý jáne oǵan qatysý, sondaı-aq asa iri kólemde psıhotroptyq zattardy satý, daıyndaý, óńdeý jáne saqtaý, qylmystyq jolmen kelgen múlikti zańdastyrý faktileri boıynsha kináli dep tanylyp, 10 jyldan 15 jyl 6 aıǵa deıingi merzimge bas bostandyǵynan aıyryldy, — delingen habarlamada.
Budan buryn Petropavlda sıntetıkalyq esirtki taratqan turǵyn 7 jylǵa sottalǵanyn jazdyq.