Shymkentte esirtki taratty degen kúdikpen jas jigit ustaldy
ShYMKENT. KAZINFORM — «Qarasora — 2026» jedel-profılaktıkalyq is-sharasy aıasynda Shymkent qalasy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri qala aýmaǵynda esirtki taratýmen aınalysqan jas jigitti ustady.
Jaldamaly páterge júrgizilgen tintý barysynda polıtseıler quramynda mefedron psıhotroptyq zaty bar úsh oramany taýyp, tárkiledi.
Tekserý barysynda kúdiktiniń qyrkúıek aıynan bastap esirtki satatyn ınternet-dúkenniń kýreri ári oraýshysy retinde zańsyz qyzmet istegeni anyqtaldy.
— Keıin kúdiktiniń qatysýymen júrgizilgen tergeý áreketteri barysynda qala aýmaǵynan jasyrylǵan oryn anyqtalyp, odan mefedron salynǵan iri orama tárkilendi.
Tárkilengen zattardyń jalpy salmaǵy 200 gramnan asady, — delingen habarlamada.
Kúdikti ýaqytsha ustaý ızolıatoryna qamaldy.
Qazirgi ýaqytta sotqa deıingi tergep-tekserý amaldary júrgizilip jatyr.
Aıta ketelik 109 keli esirtki tárkilendi: Kaspıı teńizinde halyqaralyq esirtki arnasynyń joly kesilgen edi.
