Shymkentte esirtki paıdalanǵan jalǵan polıtseı ustaldy

Taraz turǵyny kólik júrgizý quqyǵynan aıyrylsa da, qaıtadan rólge otyrǵan, dep habarlaıdy Kazinform. 

Shymkenttik tártip saqshylary túngi mezgilde LED - jaryq shamyn taqqan kólikti toqtatqan. Ózin polıtsııa qyzmetkerimin dep tanystyrǵan júrgizýshi qujatyn kórsetýden úzildi-kesildi bas tartyp, bosatýdy talap etken.

Polıtseıler er adamnyń oǵash áreketterinen kúmándanyp, medıtsınalyq tekserýden ótkizgen. Nátıjesinde júrgizýshiniń esirtkilik masań kúıde bolǵanyn anyqtady.

«Jalǵan polıtseı» kólik júrgizý quqyǵynan aıyrylsa da, qaıtadan rólge otyrǵan. Atalǵan jaıt boıynsha quqyq buzýshyǵa ÁQBtK-niń 590 - baby «Kólik quraldaryn paıdalaný qaǵıdalaryn buzý» jáne 230-baby «Qazaqstan Respýblıkasynyń mindetti saqtandyrý týraly zańnamasyn buzý» boıynsha ákimshilik hattamalar toltyryldy.

«Buǵan deıin er adam ózin tártip saqshysymyn dep tanystyryp, azamattardy aldap kelgen. Ol birneshe ret alaıaqtyq jasaǵany, júrgizýshi kýáliginsiz mas kúıde kólik júrgizgeni jáne jol-kólik oqıǵasyn jasaǵany úshin sottalǵan. Alaıda ol ótken qateliginen sabaq almaı, burynǵy ádetine qaıta basqan», - delingen Shymkent qalasy Polıtsııa departamentiniń baspasóz qyzmeti usynǵan aqparatta.