Shymkentte esirtki boıynsha esepte turǵan 7 azamat medıtsınalyq tekserýden ótpegen
ShYMKENT. KAZINFORM — Shymkentte esirtki tutynýy sebepti esepke alynǵan 7 azamat dárigerlerdiń eskertýine qaramastan, mindetti medıtsınalyq zerttep-qaralýdan jáne emdelýden jaltarǵan. Bul týraly Shymkent qalasy prokýratýrasy málim etti.
— Prokýratýranyń bastamasymen atalǵan tulǵalar QR ÁQBtK-niń 429-babynyń 2-bóliginesáıkes árqaısysy 19 660 teńgege aıyppul túrindegi ákimshilik jaýaptylyqqa tartyldy jáne aldaǵy ýaqytta júıeli túrde zerttep-qaralatyn boldy, — delingen habarlamada.
Bul baǵyttaǵy jumystar prokýratýranyń erekshe baqylaýynda.
Quzyrly organnyń mátilmetinshe, esirtkini tutynýǵa baılanysty esepte turǵan adamdar alǵashqy 6 aıda aı saıyn, sodan keıin toqsanyna keminde bir ret medıtsınalyq tekserýden turaqty ótýge mindetti.
Bul ereje Qazaqstan Respýblıkasy Densaýlyq saqtaý mınıstrliginiń buıryǵymen belgilengen.
Prokýratýra medıtsınalyq tekserýden ótý tártibin saqtaýǵa jáne densaýlyq pen emdeý máselelerine jaýapkershilikpen qaraýǵa shaqyrdy.