Shymkentte esepte turǵan 138 jazasyn óteýshi túzeý mekemesine qaıtaryldy
ASTANA. KAZINFORM — «Ádiletti Qazaqstan» tujyrymdamasyn iske asyrý aıasynda Shymkent qalalyq prokýratýrasy probatsııa esebinde turǵandardy tekserý boıynsha mobıldik top qurdy.

Vedomstvo málimetinshe, tekserý barysynda mobıldik toppen sottalǵandardyń sot sheshimderi men úkimderi negizinde qoıylǵan shekteýlerdi oryndamaý boıynsha 258 zań buzýshylyq anyqtaldy.
— Tekserý qorytyndysymen 192 sottalǵan ákimshilik jaýaptylyqqa tartyldy, 138 sottalǵandardyń jazasy bas bostandyǵynan aıyrý jazasyna aýystyryldy. Qalalyq prokýratýra qaıtalanatyn qylmystardyń aldyn alý úshin profılaktıkalyq jumystardy turaqty túrde júrgizýde, — delingen Shymkent qalasy prokýratýrasy taratqan aqparatta.
Eske salsaq, osyǵan deıin polıtsııa formasymen tikeleı efırge shyqqan shymkenttik tıktoker jaýapqa tartylǵanyn jazǵan edik.