Shymkentte er adam kópqabatty turǵyn úıdiń 16-qabatynan qulap kóz jumdy

ShYMKENT. KAZINFORM — Shymsıtı shaǵynaýdanyndaǵy turǵyn úı kesheniniń birinde 16-qabattan er adam qulap, oqıǵa ornynda mert boldy.

Atalǵan oqıǵaǵa boıynsha polıtsııaǵa kópqabatty turǵyn úıdiń aýlasynda máıittiń tabylǵany týraly habarlama túsken.

— Polıtsııa sýıtsıd faktisi boıynsha sotqa deıingi tergep-tekserýdi bastady. Qazirgi ýaqytta istiń mán-jaılaryn anyqtaý úshin barlyq qajetti tergeý is-sharalary júrgizilip jatyr, — dep habarlady qalalyq Polıtsııa departamenti.

Budan buryn Shymkentte kópqabatty turǵyn úıden er adamnyń denesi tabylǵanyn jazǵan edik. 

Sonymen qatar, Ǵylym jáne joǵary bilim mınıstrligi Joǵary jáne joǵary oqý orynnan keıingi bilim komıteti ókili stýdent jataqhanalarynda sýıtsıdtiń jıileýin BAQ jumysymen baılanystyrdy.