Shymkentte er adam besinshi qabattan qulap, kóz jumdy

ShYMKENT. KAZINFORM – Shymkentte kópqabatty turǵyn úılerdiń birinde balkondy qaptaý jumystaryn júrgizip júrgen er adam besinshi qabattan qulap, qaıtys boldy.

Aldyn ala aqparatqa sáıkes, jóndeý jumystary barysynda ol abaısyzda qulap ketken. Aýyr jaraqatynyń saldarynan er adam oqıǵa ornynda kóz jumdy.

Polıtsııanyń málimetinshe, adam ólimine ákep soqqan eńbekti qorǵaý qaǵıdalaryn buzý jaıty boıynsha qylmystyq is qozǵaldy.

– Qazirgi tańda oqıǵanyń barlyq mán-jaıyn anyqtaýǵa baǵyttalǵan keshendi tergeý áreketteri júrgizilip jatyr. Tergeý aıaqtalǵannan keıin is boıynsha zańnamaǵa sáıkes protsessýaldyq sheshim qabyldanady, - dep habarlady qalalyq Polıtsııa departamenti.

Budan buryn Shymkentte er adam kópqabatty turǵyn úıdiń 16-qabatynan qulap, kóz jumǵanyn jazǵan edik.