Shymkentte eńbek zańnamasyn buzýdyń 226 faktisi anyqtaldy
ShYMKENT. KAZINFORM — Shymkentte eńbek zańnamasynyń saqtalýyn tekserý barysynda jumysshylarǵa 750 mln teńgeden astam jalaqy bereshegi óteldi.
Eńbek jáne halyqty áleýmettik qorǵaý mınıstrligi Memlekettik eńbek ınspektsııasy komıteti Shymkent qalalyq departamentiniń basshysy Jeńis Maqulbaevtyń aıtýynsha, bıylǵy birinshi jartyjyldyqta departamentke eńbek quqyqtarynyń saqtalýyna qatysty 1829 ótinish túsken. Qabyldanǵan sharalar nátıjesinde 665 jumysshynyń quqyǵy qalpyna keltirildi.
— Alty aıda eńbek zańnamasynyń saqtalýyna qatysty 238 tekserý júrgizilip, 226 zań buzýshylyq faktisi anyqtaldy. Nátıjesinde jumysshylarǵa 754,3 mln teńge kóleminde jalaqy bereshegi ótelip, 2824 adamnyń quqyǵy qalpyna keltirildi, — delingen resmı habarlamada.
Sonymen qatar jazǵy demalys kezeńinde kámeletke tolmaǵandardyń eńbek quqyqtaryn qorǵaýǵa baǵyttalǵan profılaktıkalyq reıdter júrgizilip jatyr. Polıtsııa qyzmetkerleriniń qatysýymen ótken is-sharalar barysynda 72 kásipkerlik sýbektisi qamtylyp, jasóspirimderdiń eńbek quqyqtaryn buzýdyń 8 faktisi anyqtaldy.
Buǵan deıin Shymkentte jolaıryq qurylysynda 54 jastaǵy jumysshy qaza tapqanyn habarlaǵan edik.
