Shymkentte elektr jelilerindegi aqaý 43 myńnan astam abonentti jaryqsyz qaldyrdy
ShYMKENT. KAZINFORM – Shymkentte elektr energııasyn beretin magıstraldyq jelilerdiń apatty jaǵdaıda ajyratylýyna baılanysty 43 myńnan astam abonent jaryqsyz qaldy.
Shymkent qalasynyń energetıka jáne ınfraqurylymdy damytý basqarmasynyń málimetinshe, 14 tamyzda saǵat 14:37-de 110 kV jelisinde apatty jaǵdaı tirkelip, elektr berý jelileri ajyratyldy.
– Elektrmen jabdyqtaýdy shekteýge «KEGOC» AQ-nyń magıstraldyq jelileriniń apatty jaǵdaıda ajyratylýy sebep boldy. Saǵat 14:37-de ońtústik óńirde 500 kV «Soltústik – Ońtústik» jáne «Soltústik – Shyǵys – Ońtústik» tranzıtteri bólinip, osyǵan baılanysty apatqa qarsy avtomatıka júıeleri iske qosyldy, – dep habarlady vedomstvodan.
Elektr energııasyn berýdegi shekteýler Sáýle, Aqjar, Aqtas, Jańatalap, Turlan, Telman, Kommýnızm, Otyrar, sondaı-aq 17 jáne 18-shaǵyn aýdandardy qamtydy.
Shymkent boıynsha elektr qýatyn shekteýdiń jalpy kólemi 114,4 MVt boldy. Apat saldarynan 38 760 jeke jáne 4 790 zańdy tulǵa tutynýshysy, barlyǵy 43 550 abonent elektr qýatynsyz qaldy.
Qazir Shymkenttegi tutynýshylarǵa elektr energııasy tolyq qalpyna keltirildi.
Buǵan deıin «KEGOC» AQ jelileri boıynsha elektrmen jabdyqtaý tolyq kólemde qalpyna keltirilgeni týraly habarlaǵan edik.
