Shymkentte elektr jaryǵynyń óshýine qatysty 28 myńnan astam shaǵym túsken
ShYMKENT. KAZINFORM — Qala turǵyndarynan túsken aryz-shaǵymdardyń deni kommýnaldyq qyzmetterge tıesili.
Qalalyq tsıfrlandyrý basqarmasynyń habarlaýynsha, jyl basynan beri I-Shymkent 109 ortalyǵyna turǵyndardan 111 myńǵa jýyq aryz-shaǵym túsken.
Túsken ótinishterdiń 91,2 paıyzy oryndalǵan, qalǵany qazirgi tańda baqylaýǵa alynǵan. Ortalyq kún saıyn orta eseppen 1000-1500 qońyraý qabyldaıdy.
Vedomstvo málimetinshe, shaǵymdardyń basym bóligi kommýnaldyq qyzmetterge qatysty bolyp otyr.
— Atap aıtqanda elektr energııasynyń óshýine baılanysty 28 myńnan astam qońyraý tirkeldi. Aýla jáne kóshe jaryqtandyrý máseleleri boıynsha 6 myńǵa jýyq ótinish túsken, onyń 1500-i qaralyp jatyr. Sonymen qatar jasyl jelekke qatysty 3 myńǵa jýyq shaǵym tirkelgen, — delingen basqarma usynǵan aqparatta.
Jalpy qala turǵyndary tıisti qyzmetterge jaryq, sý, qoǵamdyq kólik, aýla jáne kóshe jaryqshamdary, sanıtarlyq tazalyq, jasyl jelek pen jol ınfraqurylymy máseleleri boıynsha jıi shaǵymdanady.
Eske sala keteıik, ótken jyly ortalyqqa 350 myńnan astam ótinish tirkelgen. Ásirese, jylý berý maýsymy qarsańynda, ıaǵnı qazan-qarasha aılarynda shaǵymdar sany artqan.
Budan buryn ShQO turǵyndary elektr jaryǵy jıi óshetindigine shaǵymdanǵanyn jazǵan edik.
