Shymkentte eki jastaǵy balanyń baýyrynan kısta alyndy
ShYMKENT. KAZINFORM- Qazir naýqas otadan keıingi ońaltý kezeńinen ótip jatyr.
Shymkent qalalyq balalar klınıkalyq aýrýhanasynda alǵash ret baýyr isigine laparoskopııalyq ádispen ota jasaldy. Kúrdeli operatsııa barysynda týmasynan baýyr-ót júıesinde aqaýy bar eki jasar búldirshinniń baýyrynan kısta alyndy.
Kishkentaı patsıent aýyr halde qalalyq balalar klınıkalyq aýrýhanasynyń jansaqtaý bólimine túsken. Naýqasqa 24 aqpan kúni aldyn ala klınıkalyq-laboratorııalyq zertteýler júrgizildi.
- Balada kısta holedoha dıagnozy rastalyp, operatsııa jasaldy. Otany balalar aýrýhanasynyń balalar hırýrgııasy bóliminiń meńgerýshisi Berdaly Súleımenov pen Almaty qalalyq pedıatrııa jáne balalar hırýrgııasy ortalyǵy basshysynyń orynbasary, hırýrg Konstantın Haırov birlese jasady. Ota sátti ótip, naýqas otadan keıingi ońaltý kezeńinen ótip jatyr, - delingen Shymkent qalasy densaýlyq saqtaý basqarmasynyń baspasóz qyzmeti taratqan aqparatta.
Aıta keteıik, budan buryn Shymkentte adam urlamaq bolǵandardyń áreketi vıdeoǵa túsip qalǵanyn jazǵan bolatynbyz.