Shymkentte eki kósheniń qıylysynda asfalt opyrylyp qaldy
ShYMKENT. KAZINFORM – Shymkent qalasy Turan shaǵynaýdanynda eki kósheniń qıylysynda jol qaq ortasynan oıylyp qaldy.
Áleýmettik jelide taraǵan vıdeoda jol jıegindegi asfalttyń búlingenin kórýge bolady. Onda joldyń qoldanysqa berilgenine kóp bolmaǵanyn aıtqan turǵyn qurylystyń sapasyz júrgizilgenin synǵa alǵan.
Osyǵan qatysty Kazinform tilshisine Shymkent qalasy Jolaýshylar kóligi jáne avtomobıl joldary basqarmasy resmı túsinik berdi.
– Qarataý aýdany, Turan shaǵynaýdany, Shyraıly kóshesinde asfaltty 2025 jyly qyrkúıek aıynda «Jaryq Jol Servıs» JShS salǵan bolatyn. Qazirgi tańda atalǵan kóshede asfaltbeton jabyndysynyń otyrýy baıqaldy. Basqarma mamandary júrgizgen tekseris barysynda kósheniń belgili bir aýmaǵynda asfalt astynda buryn káriz qubyrlary júrgizilgeni anyqtaldy. Dál sol jerde topyraqtyń otyrýynan asfalt qabaty shókken, – delingen vedomstvonyń usynǵan jaýabynda.
Atalǵan aqaýlardy joıý maqsatynda qazirgi tańda qalpyna keltirý jumystary josparǵa engizilgen.
– Jaýapty merdiger mekeme tarapynan shaǵal tas tóseý jumystary júrgizildi. Kepildik merzimi aıasynda tolyq qalpyna keltirý jumystary bıyl aýa raıynyń qolaıly mezgiline josparlanyp otyr, – dedi basqarma ókilderi.
Budan buryn Shymkentte taqyr jerge asfalt tóselip, jol salynyp jatqan vıdeo taraǵanyn jazǵan edik.