Shymkentte eki kósheniń qıylysy jartylaı jabylady
ShYMKENT. KAZINFORM — Báıdibek bı dańǵylyndaǵy jolaıryq qurylysyna baılanysty osy ýchaskeniń qozǵalys bóligi jartylaı jabylady.
Qurylystyń qaýipsiz jáne sapaly oryndalýyn qamtamasyz etý maqsatynda kólik qozǵalysy Tólemetov kóshesiniń qıylysynan Aqberen kóshesine deıingi aralyqta ýaqytsha shekteledi. Jabylý merzimi — 2025 jylǵy 12-25 jeltoqsan aralyǵy.
— Osyǵan oraı, Báıdibek bı dańǵylyna balama joldardy paıdalanýdy suraımyz. Atap aıtqanda, Tańbaly tas, Shubarkól, Qazıev, Ótegenov, Syrym batyr kósheleri arqyly júrýdi usynamyz. Qolaısyzdyqtarǵa túsinistik tanytyp, qozǵalys baǵytyn aldyn ala josparlaýdy suraımyz, — delingen qala ákimdiginiń resmı habarlamasynda.
Budan buryn Báıdibek bı dańǵyly men Tólemetov kóshesiniń qıylysy jáne kishi aınalma jolǵa jolaıryq salýǵa bıýdjetten qansha qarjy bólingeni týraly jazǵan edik.