21:02, 30 Qazan 2023 | GMT +6
Shymkentte eki aıda búırek almastyrý boıynsha 6 ota jasaldy
Shymkentte eki aıda 6 búırek almastyrý otasy jasaldy, dep habarlaıdy Kazinform.
Eń kúrdeli ota 18 qazanda jasaldy. Qos búıregi isten shyǵyp, aýyr dertke shaldyqqan 39 jastaǵy turǵynǵa hırýrgııalyq jolmen týǵan baýyrynyń búıregi salyndy. Qazir donor men retsıpıenttiń jaǵdaıy jaqsaryp, palataǵa aýystyryldy.
«Transplantatsııa joǵary tehnologııalyq ota túrine jatady. Mundaı operatsııa búırek jetispeýshiligine shaldyqqan azamattardyń ómirin aman alyp qalýǵa zor múmkindik beredi. Aǵza almastyrý otasy memleket esebinen tegin jasalady. Qazir barlyq donor men retsıpıentterdiń jaǵdaıy jaqsy, dárigerler baqylaýynda» - delingen Shymkent qalasy Densaýlyq saqtaý basqarmasynyń baspasóz qyzmeti taratqan aqparatta.
