Shymkentte Dinmuhamed Qonaev atynda jańa mektep ashyldy
Zamanaýı jáne tıptik úlgidegi bilim ordasy 3500 orynǵa laıyqtalǵan, dep habarlaıdy Kazinform.
Nursat shaǵyn aýdanynda ornalasqan jekemenshik mektepke kórnekti memleket jáne qoǵam qaıratkeri Dinmuhamed Qonaevtyń esimi berildi.
Kásipkerdiń esebinen salynǵan jańa mektepte balalar bir aýysymda bilim alady. Bos ýaqytta pándik, sporttyq jáne óner úıirmelerine qatysýyna barlyq jaǵdaı jasalǵan. Bilim shańyraǵynda sportzal, 30 ınteraktıvti taqta, robototehnıka, bıologııa, hımııa, fızıka laboratorııa kabınetteri, sondaı-aq 500 orynǵa arnalǵan ashana, kitaphana, gımnastıka, akt zaldary, ashyq jáne jabyq fýtbol alańdary bar.
Atalǵan bilim oshaǵynda 1-6 synyp oqýshylary tegin tamaqpen qamtylǵan. Quryltaıshy tarapynan ár toqsan saıyn test tapsyrǵan úzdik oqýshylarǵa stıpendııa beriledi.
