Shymkentte Densaýlyq saqtaý basqarmasynyń basshysy taǵaıyndaldy

ShYMKENT. KAZINFORM – Memlekettik qyzmet isteri agenttiginiń jáne Densaýlyq saqtaý mınıstrliginiń kelisimi boıynsha, qala ákiminiń ókimimen Shymkent qalasynyń Densaýlyq saqtaý basqarmasynyń basshysy laýazymyna Qaırat Qalybekov taǵaıyndaldy.

Qaırat Jaqypuly 1973 jyly 7 aqpanda Ońtústik Qazaqstan oblysy, Otyrar aýdanynda týǵan, qazaq, bilimi joǵary.

S.D. Asfendııarov atyndaǵy Almaty memlekettik medıtsına ınstıtýtyn jáne Qazaqstan halyqtar Dostyǵy ýnıversıtetin bitirgen. Mamandyǵy boıynsha biliktiligi - emdeý isi, ekonomıka.

Eńbek jolyn 1997 jyly Shymkent qalasyndaǵy ambýlatorly hırýrgııa, travmatologııa jáne gınekologııa ortalyǵynyń hırýrgy bolyp bastaǵan.

1999-2014 jyldary túrli medıtsınalyq mekemelerde basshylyq laýazymdarda qyzmet atqardy.

2014-2016 jyldary Ońtústik Qazaqstan oblysy Densaýlyq saqtaý basqarmasy basshysynyń orynbasary.

2016-2023 jyldary Shymkent qalasynyń densaýlyq saqtaý mekemelerinde jaýapty basshylyq qyzmetter atqardy.

2023 jylǵy 2 qazannan bastap búgingi kúnge deıin Shymkent qalasynyń densaýlyq saqtaý basqarmasy №1 qalalyq klınıkalyq aýrýhanasynyń bas dárigeri laýazymynda qyzmet atqaryp keldi.

Buǵan deıin SQO Densaýlyq saqtaý basqarmasyna jańa basshy taǵaıyndalǵanyn jazǵan edik.