Shymkentte Dendrosaıabaq aýmaǵynan er adamnyń máıiti tabyldy

ShYMKENT. KAZINFORM – Búgin tańǵy ýaqytta Shymkent qalasyndaǵy Dendrosaıabaq aýmaǵynda adam ólimi tirkeldi.

Osy jaıtqa qatysty Shymkent qalasy Polıtsııa departamenti resmı túsinik berdi.

Vedomstvonyń málimetinshe, polıtsııaǵa sýıtsıd belgileri bar máıittiń tabylǵany týraly habarlama túsken.

– Atalǵan derek boıynsha ózin-ózi óltirýge deıin jetkizý faktisimen sotqa deıingi tergep-tekserý amaldary bastaldy. Qazirgi ýaqytta oqıǵanyń mán-jaıyn anyqtaýǵa baǵyttalǵan barlyq qajetti tergeý áreketteri júrgizilip jatyr, – delingen habarlamada.

Budan buryn Shymkentte kámeletke tolmaǵan qyzǵa shabýyl jasamaq bolǵan jasóspirim ustalǵanyn jazǵan edik.