Shymkentte dárigerlik-dene shynyqtyrý dıspanseriniń basshysy sottaldy

ShYMKENT. KAZINFORM - Shymkent qalasynyń qylmystyq ister jónindegi aýdanaralyq soty «Shymkent qalasynyń dárigerlik-dene shynyqtyrý dıspanseri» KMM basshysy I.Dolbılovaǵa jáne osy uıymnyń býhgalteri M.Abdýkarımovaǵa qatysty úkim shyǵardy. Bul týraly Sybaılas jemqorlyqqa qarsy is-qımyl agenttigi habarlady.

Olar is júzinde eńbek qyzmetin júzege asyrmaǵan tulǵaǵa jalaqyny zańsyz esepteý jolymen 3,4 mln teńge somasynda bıýdjet qarajatyn jymqyrǵany úshin kináli dep tanyldy.

Sot úkimimen memlekettik qyzmette qyzmet atqarý quqyǵynan ómir boıyna aıyra otyryp, 2 jylǵa bas bostandyǵynan aıyrý túrindegi jaza taǵaıyndaldy. 

Sot úkimi zańdy kúshine endi.

Buǵan deıin Shymkent sybaılas jemqorlyqqa qarsy qyzmet basshysy taǵaıyndalǵanyn jazǵan bolatynbyz.