Shymkentte dárigerlerdi urmaq bolǵan er adam belgisiz suıyqtyq ishken

Shymkentte dárigerlerdi urmaq bolǵan er adam belgisiz suıyqtyq ishken. Bul týraly Shymkent qalasy densaýlyq saqtaý basqarmasynyń baspasóz qyzmeti málimdedi, dep habarlaıdy QazAqparat tilshisi.

28 jastaǵy er adam belgisiz suıyqtyqty iship qoıǵannan keıin týystary jedel járdem shaqyrǵan. Sodan dárigerler ony gıperbarııalyq oksıgenatsııa ortalyǵyna alyp barǵan.
«Dárigerler naýqasty tekserip shyqqan soń, psıhıkalyq qozý jaǵdaıynyń bolýyna baılanysty em sharalaryn júrgizý maqsatynda jansaqtaý bólimshesine kirgizgen. Alaıda ol medıtsına qyzmetkerlerine kúsh kórsetip, qarsylyq tanytqan. Oryn alǵan jaǵdaıǵa baılanysty 102 qyzmetine habar berildi» delingen Shymkent qalasy densaýlyq saqtaý basqarmasynyń baspasóz qyzmeti usynǵan aqparatta.
Aıta keteıik, buǵan deıin Shymkentte dárigerlerdi urmaq bolǵan er adam qamaýǵa alynǵanyn jazǵan bolatynbyz.