Shymkentte býhgalter memleket qarjysyn jymqyrǵany úshin 3 jylǵa sottaldy
ShYMKENT. KAZINFORM – Shymkent qalasynyń qylmystyq ister jónindegi aýdanaralyq sotynyń úkimimen №96 M.Áýezov atyndaǵy orta mekteptiń bas býhgalteri senip tapsyrylǵan bóten múlikti jymqyrǵany úshin 3 jylǵa bas bostandyǵynan aıyrýǵa sottaldy. Bul týraly Shymkent qalasynyń prokýratýrasy málimdedi.
«Mekemeniń býhgalteri qyzmettik jaǵdaıyn paıdalanyp, aı saıyn óziniń esep shotyna belgilengen mólsherden artyq aqsha aýdaryp otyrǵan», — dep habarlady prokýratýradan.
Barlyǵy 5 164 921 teńge somasynda aýdarym júrgizilgen.
Atalǵan fakti boıynsha tulǵa óz kinásin tolyq moıyndaýyna baılanysty sotpen belgili bir qylmystyq quqyq buzýshylyq úshin kózdelgen jazadan góri neǵurlym jeńil jaza taǵaıyndaldy.
Keltirilgen shyǵyn memleket bıýdjetine tolyq kólemde qaıtaryldy.
