Shymkentte birneshe shaǵynaýdanda gaz ýaqytsha óshiriledi
ShYMKENT. KAZINFORM — 24 qyrkúıekte Shymkenttegi birqatar shaǵynaýdanda gaz berý ýaqytsha toqtatylady.
«QazaqGaz Aimaq» AQ Shymkent óndiristik fılıalynyń málimetinshe, gazben jabdyqtaý saǵat 06:00–den 23:00–ge deıin Báıdibek bı jáne Tólemetov kósheleriniń qıylysynda, haıýanattar baǵy aýmaǵynda avtomobıl jolyn keńeıtý jáne jolaıryq salý jumystaryna baılanysty ýaqytsha shekteledi.
Gaz berý tómendegi mekenjaılarda ýaqytsha toqtatylady:
Taraz shaǵynaýdany: Parasat, Tańsholpan, Órkenıet, Jetisý, Shańyraq, Aıshabıbi, Myrzahodjaeva, Báıterekov kósheleri.
Soltústik-Batys jáne Shapaǵat-2 shaǵynaýdandary: Kerbulaq, Úshózen, Aqshataý, Aqshoqy, Amanqaraǵaı, Aqsaı, Shoqtal, Gúlstan, Mártóbe, Altynaıdar, Barsyǵankól, Ótegenbulaq, Arǵynbekov, Derbes, Tólemetov, Báıdibek bı kósheleri.
BAM jáne Túrkistan shaǵynaýdandary: Jańa ǵasyr, Aıqap, Jańalyq, Juldyz, Aqsúıek, Traktorshiler, Bereke, Betkeı, Jańaqala, Yntaly, Kóktas, Іrgeles kósheleri.
Turan shaǵynaýdany: Úkili Ybyraı, Shyraıly, Narsaı, Naızakesken, Omby, Ógem, Baıǵuly, Oıqaraǵan, Dosjan, Alataý batyr, Taldyaryq, Áshirbek Syǵaı, Ámire Qashaýbaev kósheleri jáne Almaty tasjoly.
Naýryz shaǵynaýdany: Baıtursynov, Marǵulan, Qarabulaq, Saýran, Rysqulov, Qobda, Jalyn, Qordaı, Jankent, Dáýletuly, Tuıaqbaev, Jańarqa, Tosqanbaev, Baıyrqum, Myńjylqy kósheleri, Baıdibek bı dańǵyly jáne Tólemetov kóshesi.
Sonymen qatar gazben jabdyqtaý 179 iri paneldi turǵyn úıdegi 10 670 páterge, 600 kommýnaldyq-turmystyq kásiporynǵa, 12 822 jeke úıge jáne 34 ónerkásiptik kásiporynǵa ýaqytsha toqtatylady. Budan bólek, «Smart», «Prime Park», «High Park», «Atamura», «Tumar», «Grand Park», «Prank Aura», «Báıdibek», «Saıaly», «Bıik», «Izýmrýd», «Naýryz park», «Jas-Otaý» turǵyn úı keshenderinde de gaz berý ýaqytsha shekteledi.
— Turǵyndardan gazben jabdyqtaý toqtatylǵan kezeńde gaz quraldarynyń krandaryn jabýdy jáne jumystardy júrgizý, sondaı-aq, gazben jabdyqtaýdy qaıta iske qosý kezinde fılıal qyzmetkerleriniń nysandarǵa kedergisiz kirýin qamtamasyz etýdi suraımyz. Gazdyń ıisi sezilgen jaǵdaıda 104 nómirine habarlasý qajet, — delingen habarlamada.
Kompanııa ýaqytsha qolaısyzdyqtar úshin turǵyndardan keshirim surap, túsinistik tanytýdy ótindi.
Buǵan deıin Shymkentte gaz qubyrynyń zaqymdanýyna baılanysty 1500-den astam úı men birqatar nysanǵa gaz berý ýaqytsha toqtatylǵanyn habarlaǵan edik.
