Shymkentte birqatar kóshe ýaqytsha jabylady
ShYMKENT. KAZINFORM – 12-13 qyrkúıek kúnderi Shymkent qalasynda marafonnyń ótýine baılanysty birqatar kóshede kólik qozǵalysyna shekteý qoıylady.
Shymkent qalasy dene shynyqtyrý jáne sport basqarmasynyń málimetinshe, 12 qyrkúıek kúni saǵat 06:00-den bastap Ál-Farabı alańyna kiretin joldar jabylady.
Al 13 qyrkúıek kúni saǵat 06:00-den 13:30-ǵa deıin marafon ótetin birqatar baǵytta kólik qozǵalysy toqtatylady.
– Atap aıtqanda, Ál-Farabı alańy – Asqarov kóshesi – Túrkistan kóshesi – Qonaev dańǵyly – Báıdibek bı kóshesi – Arǵynbekov kóshesiniń qıylysyna deıingi baǵytta kólik qozǵalysy ýaqytsha shekteledi, – delingen resmı habarlamada.
Osyǵan baılanysty uıymdastyrýshylar qala turǵyndary men qonaqtaryn sapar baǵytyn aldyn ala josparlap, múmkindiginshe balama joldardy paıdalanýǵa shaqyrady.
Aıta keteıik, buǵan deıin Almatyda LRT qurylysyna baılanysty Abylaı han dańǵyly jabylatynyn habarlaǵan edik.
