Shymkentte birqatar avtobýs baǵyttarynyń kestesi ózgerdi

Shymkent qalasynyń jolaýshylar kóligi jáne avtomobıl joldary basqarmasynyń málimetinshe, ózgerister 1 qazannan bastap kúshine endi.

Atap aıtqanda:

— № 5 avtobýs baǵytyna qosymsha 1 keste qosyldy;
— № 9 baǵyttyń qozǵalys syzbasy Bozaryq shaǵynaýdanynda jańadan paıdalanýǵa berilgen kópqabatty úılerge deıin uzartyldy;
— № 12 baǵyttyń qozǵalys joly «Coca-Cola» óndiristik bazasyna deıin uzartyldy;
— № 18 baǵyttyń qozǵalysy «Tsıtadel» aıaldamasy arqyly uıymdastyryldy;
— № 21 avtobýs baǵyty Qursaı shaǵynaýdanyndaǵy Jańaqurylys kóshesine deıin uzartyldy;
— № 25 avtobýs baǵytyna qosymsha 1 keste qosyldy;
— № 42 baǵyttyń qozǵalys joly Qaıtpas shaǵynaýdanynan Turan shaǵynaýdanyndaǵy «Jas Otaý» turǵyn úılerine deıin uzartylyp, qosymsha 1 keste engizildi;
— № 51 baǵyttyń qozǵalysy «Alash» bazarynan Shardara kóshesine deıin uzartylyp, qosymsha 1 keste qosyldy;
— № 54 baǵyttyń qozǵalysy № 72 mektep arqyly uıymdastyryldy;
— № 66 baǵyttyń qozǵalys syzbasy Yntymaq shaǵynaýdanyndaǵy Jolasar kóshesi arqyly uıymdastyryldy;
— № 70 avtobýs baǵytyna demalys kúnderine qosymsha 2 keste qosyldy;
— № 171 baǵytqa qosymsha 1 keste engizildi;
— № 206 baǵyttyń qozǵalys syzbasyna qosymsha 2 keste qosyldy.

Buǵan deıin Shymkenttegi avtobýs tapshylyǵy máselesi týraly jazǵan edik.