Shymkentte bir jylda 2 myńǵa jýyq adam AITV ınfektsııasyn juqtyrǵan

ShYMKENT. KAZINFORM – Eń joǵary kórsetkish 30-39 jas aralyǵyndaǵy azamattarda tirkelgen.

Shymkentte 2025 jylǵy jeltoqsandaǵy jaǵdaı boıynsha adamnyń ımmýn tapshylyǵy vırýsyn (AITV) juqtyrǵan 1989 naýqas dıspanserlik baqylaýda tur. Olardyń 1085-i – er adam, 904-i – áıel, al kámelet jasyna tolmaǵan balalar sany – 52.

Qalalyq densaýlyq saqtaý basqarmasynyń málimetinshe, byltyr tirkelgen AITV jaǵdaılarynyń eń joǵary úlesi 30-39 jas aralyǵyndaǵy azamattarǵa (31,6%) tıesili. Odan keıingi jas toptary boıynsha kórsetkishter: 20-29 jas toby – 22,4%, 40-49 jas – 18,4%, 50-59 jas – 15,8%, 60 jastan asqandar – 8,6%, al 15-19 jas aralyǵyndaǵy jastar – 2%.

– Óńirlerdegi AITV ınfektsııasynyń taralý deńgeıi boıynsha Shymkent qalasy orta deńgeıli aımaqtar sanatyna jatady. Jalpy kórsetkishte qala 20 óńirdiń ishinde 10-orynda tur. Ótken jyly AITV ınfektsııasyna 375 207 zerthanalyq tekserý júrgizildi. Qaıta tekserýlerdi esepke alǵanda, naqty qamtylǵan adamdar sany shamamen 200 myń adamǵa jetti, – delingen densaýlyq saqtaý basqarmasynyń usynǵan aqparatynda.

Vedomstvonyń málimetine súıensek, ótken jyly Shymkentte juqtyrylǵan ımmýn tapshylyǵy sındromy (JITS) saldarynan 3 eresek adam qaıtys bolǵan, al sońǵy 5 jyl ishinde osy dertten 33 adam kóz jumǵan.

Budan buryn AITV dıagnozyn túsiný jáne qabyldaý protsesi ádette birneshe kezeńnen turatynyn jazǵan edik.