Shymkentte bir táýlik ishinde 52 adam qyzylsha juqtyrdy

Shymkentte qyzylshaǵa qatysty epıdemıologııalyq ahýaly turaqsyz, dep habarlaıdy Kazinform. 

Shymkentte qyzylsha juqtyrǵandar sany 3000-nan asty. Bul zerthanalyq túrde rastalyp otyr. Naýqastardyń 88,9 paıyzy vaktsına almaǵan. Onyń 84,8 paıyzy – 14 jasqa deıingi balalar. Sońǵy aptada qalada 345 adam qyzylsha juqtyrsa, sońǵy táýlikte 52 jaǵdaı tirkelip otyr.

Shymkent qalasynyń epıdemıolog mamandary qyzylshaǵa qarsy ekpe alǵandar qatary artqanda ǵana epıdemıologııalyq ahýal turaqtanatynyn jetkizdi.

«6 qarashadan bastap qyzylshaǵa qarsy qosymsha jappaı ımmýndaý naýqany bastaldy. Ókinishke qaraı, adamdar arasynda vaktsınalardyń kez kelgen túrine senimsizdikpen qaraıtyndar bar jáne olar vaktsınany alǵansha aýyrǵandy jón kóredi. Bul durys emes. Qyzylshanyń arnaıy emi joq jáne asqyný saldary kúshti. Sondyqtan bul qaýipti ınfektsııadan qorǵanýdyń jalǵyz joly – vaktsına alý», - dedi Shymkent qalasy SEBD basshysynyń orynbasary Aıgúl Turymbetova.