Shymkentte bir kún ishinde 270-ke jýyq qoǵamdyq kólik júrgizýshisi jaýapqa tartyldy

ShYMKENT. KAZINFORM – Elimizde «Avtobýs» jedel-profılaktıkalyq is-sharasy ótýde.

Shymkentte bir kún ishinde jol qozǵalysy qaǵıdalaryn buzǵan 268 qoǵamdyq kólik júrgizýshisi ákimshilik jaýapkershilikke tartyldy. Onyń ishinde rýlde otyryp uıaly telefon paıdalanǵan 45, jolaýshylardy tasymaldaý erejesin buzǵan 18, manevr jasaý qaǵıdalaryn buzǵan 22 jáne avtobýsty tehnıkalyq baıqaýdan ótkizbegen 20 júrgizýshige hattama toltyryldy.

Sondaı-aq, bir kólik quraly aıyp turaqqa qoıylyp, avtobýs parkteriniń 2 laýazymdy tulǵasy jaýapqa tartyldy.

«Tártip saqshylary tasymaldaýshy kólik júrgizýshilerine jol qozǵalysy erejelerin qatań saqtaýdy eskertedi» - delingen Shymkent qalasy polıtsııa departamentiniń baspasóz qyzmeti taratqan aqparatta.