Shymkentte bir aptada eki búırek transplantatsııasy jasaldy
ShYMKENT. KAZINFORM - №1 qalalyq klınıkalyq aýrýhanasynyń dárigerleri bir aptada eki búırek almastyrý otasyn jasady.

49 jastaǵy ápkesiniń bir búıregi sińlisine salyndy. Retsepıent 2 jyldan beri sozylmaly búırek jetispeýshiligimen kezekte turyp kelgen jáne gemodıalız apparatyna táýeldi bolǵan.
Sondaı-aq, aýrýhana dárigerleri 1987 jyly týǵan naýqasqa qaryndasynyń búıregin hırýrgııalyq jolmen salyp berdi. Týystyq transplantatsııalar sátti ótti.
— Donorlar men retsepıentter palataǵa aýystyryldy, jaǵdaılary jaqsy. Otalardy aýrýhana dárigerleri — T.Sadykov, Baıtemirov, R. Úmbetjanov, B. Baýyrjan, D. Qabylov, Ý. Muqanova, K Aıtýov, B. Kerimkýlov jasap shyqty, — delingen Shymkent qalasy densaýlyq saqtaý basqarmasynyń baspasóz qyzmeti taratqan aqparatta.
Aıta keteıik, búginge deıin № 1 qalalyq klınıkalyq aýrýhanasynda 233 búırek jáne 32 baýyr transplantatsııasy jasaldy.
Eske sala keteıik, budan buryn Túrkistan oblysynda ana ólimi eki esege óskenin jazǵan bolatynbyz.