Shymkentte boıjetkenniń sómkesinen 2 keli mefedron tabyldy
ASTANA. KAZINFORM — Shymkentte polıtsııa qyzmetkerleri jedel-profılaktıkalyq is-sharalar barysynda sıntetıkalyq esirtkilerdi taratýmen aınalysqan kúdiktini ustady.
ІІM baspasóz qyzmeti taratqan aqparatqa sáıkes, tekserý kezinde kúdiktiniń sómkesinen jalpy salmaǵy 2 kelini quraıtyn mefedron salynǵan tórt paket tabyldy. Sonymen qatar odan esirtki zattaryn bólip oraýǵa arnalǵan elektrondy tarazy men arnaıy zıp-paketter tárkilendi.
— Ustalǵan azamatshanyń jaldap turǵan páterin tekserý barysynda árqaısysynyń salmaǵy bes gramdy quraıtyn 32 orama «sıntetıka» anyqtaldy. Atalǵan jaıt boıynsha qylmystyq is qozǵaldy. Kúdikti ýaqytsha ustaý ızolıatoryna qamaldy, — deıdi tártip saqshylary.
Vedomsto esirtkiniń zańsyz aınalymyna qarsy kúres pen ony taratý arnalarynyń jolyn kesý baǵytyndaǵy jumystar turaqty túrde jalǵasatynyn atap ótti.
Buǵan deıin elordada jyl basynan beri qansha esirtki tárkilengeni belgili boldy.
