Shymkentte boıjetkendi nekege májbúrledi degen kúdikpen eki adam qamaýǵa alyndy
ShYMKENT. KAZINFORM — Áleýmettik jelide boıjetkenniń turmysqa óz erkimen shyqqany, keıin alyp qashý deregi sóz bolǵan vıdeolar jarııalandy. Polıtsııa bul derek boıynsha qylmystyq is qozǵady.
Jelide taraǵan beınejazbalarda 19 jastaǵy boıjetkenniń jigitpen kezdesip júrip, turmysqa shyqqany baıandalady.
@zhsmnnn4 REZONANS‼️‼️ TÚRKІSTAN OBLYSY,SOZAQ AÝDANYNYŃ TÝMASY ÓZ ERKІMEN KELІN BOLYP TÚSІP, ARTYNShA “MENІ ALYP QAShTY” DEP ARYZDANYP, ARYZDY QAITARYP ALÝ ÚShІN 5 MILLION TALAP ETІP OTYR!!! Qurmetti qazaq eli, @ruslan_utepbai 15.07.2026 jyly Túrkistan qalasy, Sozaq aýdanynyń azamatshasy Іlııas Aıda Jandosqyzy Ulytaý oblysy, Qarsaqbaı kentiniń týmasy Joldybaı Nursultan esimdi azamatpen 9 aı qyz ben jigit retinde júrip, turmysqa shyǵýǵa óz erkimen kelisimin berip, Qarsaqbaı kentine kelin bolyp tústi. Alyp qashýdy ózi usynǵan azamatsha artynan qýyp kelgen qýǵynshylarǵa “Jasym kámelettik jastan asqan, 19 ǵa tolǵan qyz retinde, sheshimdi ózimdi qabyldaımyn, óz erkimmen keldim, meni eshkim kúshtemedi, barmaımyn” dep qarsylyq kórsetip, qolhatyn da jazyp bergen bolatyn. Qýǵynshylar shaqyrtqan polıtsııa qyzmetkerlerine de dál osylaı jaýap berip, vıdeo arqyly málimdeme jasaǵan. Alaıda, kelesi kúni ata-anasy kelgende, óz oıynan aınyp, erip kete berdi. Onymen qoımaı, “Meni kelisimsiz alyp qashty” dep jigittiń ústinen aryz jazdy. Keshirim surap, artynan barǵan kisilerge, “5 MILLION aqsha berseńder, aryzdy qaıtaryp alamyz” dep ashyqtan-ashyq talap qoıǵan. Aqsha berýden bas tartqandary úshin, dál qazirgi ýaqytta túrli aıyptaýlar taǵyp jatyr. Atap aıtqanda, shyndyqty aıtqandary úshin jigit joldas pen óziniń dosy qyzjoldastyń da ústinen aryz jazyp, jalǵan aıyppen jigittiń ústinen de is qozǵatyp jatyr. 13.07.2026 jyly qyzdyń óz shaqyrtýymen Joldybaı Nursultan Shymkent qalasyna baryp, qyzǵa sóz salǵan. Tipti sóz salýdyń barlyq is-sharalaryn qyzdyń ózi uıymdastyryp, tapsyrys bergen, al jasalǵan jumystardyń barlyǵynyń shyǵynyn jigit ózi tólegen. Sóz salǵanda kelisken sýret, vıdeo barlyǵy bar. Qyzdyń óz erkimen kelgenin dáleldeıtin sýret, vıdeo, qolhat barlyq dálelder bolsa da, is Shymkent qalasynyń polıtsııa departamentinde durys qaralmaı jatyr. Ulytaý oblysynyń týmalary Joldybaı Nursultan men Nurkamal Erasyldy jazyqsyzdan jazyqsyz qamap tastady. Osy isti naqty derekter men dálelderge súıene otyryp, arasha túsýilerińizdi suraımyz!
♬ orıgınalnyı zvýk - Jasmin
Alaıda Ulytaý oblysyna kelin bolyp túskennen keıin nekege qatysty ustanymyn ózgertkeni týraly málimet taraǵan.
Jaǵdaıǵa qatysty Shymkent qalasy polıtsııa departamenti resmı túsinikteme berdi.
Vedomstvo málimetinshe, boıjetkendi nekege turýǵa májbúrleý deregi boıynsha qylmystyq is qozǵalǵan.
Aldyn ala málimet boıynsha, aryzdanýshyny Shymkenttegi demalys oryndarynyń birinen erkinen tys alyp ketip, nekege turýǵa májbúrlegen.
— Júrgizilgen is-sharalar nátıjesinde eki kúdiktiniń jeke basy anyqtalyp, olar ýaqytsha ustaý ızolıatoryna qamaldy, — delingen polıtsııa habarlamasynda.
Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilip jatyr.
Buǵan deıin Shymkentte Nuraı Serikbaıdy asa qatygezdikpen óltirip, nekege turýǵa májbúrlegen jáne ańdyǵan Sherhan Aımahannyń ómir boıyna bas bostandyǵynan aıyrylǵanyn jazǵan edik.
