Shymkentte bopsalaý jáne qaraqshylyqpen aınalysqan qylmystyq top ustaldy
ShYMKENT. KAZINFORM – Tintý barysynda ustalǵandardan atys qarýy men oq-dáriler tárkilendi.
Polıtsııanyń habarlaýynsha, ustalǵan top ókilderine, birneshe ret qaraqshylyq shabýyl jasady, tonaý jáne bopsalaýmen aınalysty degen kúdik keltirilip otyr.
Tergeý málimetteri boıynsha, uıymdastyrýshy senimdi adamdary arqyly qylmystyq áreketterin júzege asyrý úshin iri kólemde aqsha jatýy yqtımal oryndardy anyqtaıtyn bolǵan.
Sonymen qatar ol túngi klýbtardyń birin óz baqylaýyna alyp, «qamqorlyǵy» úshin aı saıyn 2,5 mln teńge alyp otyrǵan. Jedel jumystar barysynda qylmystyq áreketterdi uıymdastyrýshy men onyń serigi ustaldy.
-Tintý barysynda olardan atys qarýy men oq-dáriler tárkilendi. Ustalǵandar ýaqytsha ustaý ızolıatoryna qamaldy. Osy toptyń taǵy 5 múshesi ustaldy. Olardyń áreketterine quqyqtyq baǵa beriledi. Operatsııa qala prokýratýrasynyń úılestirýimen uıymdastyrydy, - dep habarlady Shymkent qalasynyń polıtsııa departamentinen.
Osyǵan deıin QR Іshki ister mınıstrligi uıymdasqan qylmystyq topqa qatysty 50-den astam is qozǵalǵany týraly habrlaǵan bolatyn.