Shymkentte bloger ári jýrnalıst bopsalaý isi boıynsha 5 jylǵa sottaldy
ShYMKENT. KAZINFORM — Shymkentte bloger ári jýrnalıst Araı Esenbekke qatysty sot protsesi aıaqtaldy. Ol qala basshylyǵynan 10 mıllıon teńge talap etken. Sot ony iri kólemde bopsalaý boıynsha kináli dep tanyp, bes jylǵa bas bostandyǵynan aıyrdy.
Shymkent qalasynyń qylmystyq ister jónindegi aýdanaralyq sotynda bopsalaý isi qaraldy. Іs materıaldaryna sáıkes, 2025 jyldyń qazan aıynda aıyptalýshy Araı Esenbek áleýmettik jelilerde Shymkent qalasy ákimdiginiń bedeline nuqsan keltiretin jazba jarııalaǵan. Keıin ol ákimdiktiń ókilimen kezdesý barysynda ózimen 10 mıllıon teńgege tapsyrys boıynsha aqparattyq kelisimshart jasaýdy talap etken. Bas tartqan jaǵdaıda ákimdikti masqaralaıtyn málimetterdi jarııalaıtynyn eskertken.
Nátıjesinde 2025 jylǵy 6 qarashada ol 990 000 teńgeni anasynyń banktik esep shotyna aýdarym jasatyp alǵan.
Sot barysynda prokýror men jábirlenýshi tarap qatań jaza taǵaıyndaýdy surady. Aıyptalýshy kinásin ishinara moıyndap, bas bostandyǵynan aıyrmaýdy ótindi.
Jaza taǵaıyndaý kezinde sot jeńildetetin mán-jaılardy eskerdi. Atap aıtqanda, aıyptalýshynyń shyn júrekten ókinýi, onyń qaraýynda bes kámeletke tolmaǵan balasynyń bolýy jáne keltirilgen zalaldy tolyq óteýi nazarǵa alyndy. Aýyrlatatyn jaǵdaılar anyqtalǵan joq.
— Sot A.-ny Qylmystyq kodekstiń 194-baby 3-bóliginiń 2-tarmaǵy boıynsha (iri mólsherde múlik alý maqsatynda jasalǵan qorqytyp alýshylyq, ıaǵnı jábirlenýshini masqaralaıtyn, onyń múddelerine eleýli zııan keltirýi múmkin málimetterdi taratý qaterin tóndirip bótenniń múlkin talap etý, ıaǵnı bopsalaý) kináli dep tanyp, bes jyl bas bostandyǵynan aıyrý jazasyn taǵaıyndady. Sonymen qatar oǵan buqaralyq aqparat quraldary salasynda qyzmet etýge bes jylǵa tyıym salyndy, — dep habarlady sot.
Sot úkimi zańdy kúshine engen joq.
Budan buryn qostanaılyq bloger kásipkerden 20 mln teńge bopsalaǵany úshin 7,5 jylǵa sottalǵanyn jazǵan edik.
