Shymkentte byltyr sybaılas jemqorlyq qylmysy úshin 56 adam sottalǵan

ShYMKENT. KAZINFORM – Aýdandyq sottarǵa ótken jyly 60 myńnan astam azamattyq is pen aryz túsken. Bul 2024 jylmen salystyrǵanda 24,6 paıyz artyq.

Shymkent qalalyq sotynyń málimetinshe, 2025 jyly sottarǵa 3 350 tulǵaǵa qatysty 2 856 qylmystyq is túsken. Onyń basym bóligi – urlyq pen alaıaqtyq. Jalpy isterdiń úshten biri osy sanatqa jatady. Alaıaqtardan kelgen shyǵyn 2 mlrd teńgeden asady.

Al sybaılas jemqorlyq qylmysy boıynsha 56 tulǵaǵa qatysty 25 qylmystyq is úkim shyǵarýmen aıaqtalǵan.

– Ótken jyly sybaılas jemqorlyq qylmysyna qatysty 34 tulǵaǵa bas bostandyǵynan aıyrý jazasy taǵaıyndalsa, 11 tulǵaǵa aıyppul, 9 tulǵaǵa bas bostandyǵynan shekteý jazasy qoldanyldy. Al 2 tulǵaǵa qatysty shartty túrde jazasyn óteý taǵaıyndaldy. Jalpy somasy 189 mln teńge aıyppul salynyp, onyń 180 mln teńgesi memleket kirisine óndirildi, – dedi qalalyq sottyń qylmystyq ister jónindegi sot alqasynyń tóraǵasy B.Dúısebekov.

Sonymen qatar ótken jyly aýdandyq sottarǵa 60 233 azamattyq is pen aryz túsken. Bul 2024 jylmen salystyrǵanda 24,6 paıyzǵa artyq. Onyń ishinde 24 097 is boıynsha sheshim shyǵarylyp, is júrgizý aıaqtalǵan.

Azamattyq isterdiń negizgi bóligi sharttyq jáne otbasylyq qatynastardan týyndaıtyn daýlarǵa tıesili bolyp, jalpy isterdiń 45,4 paıyzyn kórsetken. Budan bólek, 3 692 azamattyq is tatýlasý rásimi arqyly aıaqtalǵan, onyń ishinde negizgi úles medıatsııaǵa tıesili.

Budan buryn Shymkentte ýnıversıtet basshylyǵy naryqtyq quny 200 myń teńgeden aspaıtyn bir kreslony 20 mln teńgege satyp alǵanyn jazǵan edik.