Shymkentte bıyl qansha kópqabatty úı kúrdeli jóndeýden ótedi
ShYMKENT. KAZINFORM – Shymkent qalasynyń úsh aýdanyndaǵy kópqabatty úılerge keshendi jóndeý jumystary júrgiziledi.
Shymkent qalasynda bıyl turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy aıasynda 31 kópqabatty turǵyn úıge kúrdeli jóndeý júrgizý josparlanǵan.
Ákimdiktiń málimetine súıensek, Ál-Farabı aýdanynda – 21, Eńbekshi aýdanynda – 7, Turan aýdanynda 3 úıdiń qasbeti jańartylyp, shatyry aýystyrylady. Sonymen qatar úılerge kireberister men bastyrmalar ornatylyp, keshendi jańartý jumysy atqarylady.
– Qazirgi tańda Turysov kóshesindegi №51 jáne Ermanov kóshesindegi №11 úılerde shatyr aýystyrý, kireberis pen irgetasty qorshaý, sýaǵar men qasbetti jóndeý jumystary júrip jatyr. Jóndeý jumystaryn shilde aıyna deıin aıaqtaý kózdelgen, - dep habarlady qala ákimdigi.
Aıta keteıik, qala turǵyndary Sh. Qaldaıaqov kóshesi, 30-úı mekenjaıynda ornalasqan Turǵyn úı Shymkent mekemesine qaıtarymdy qarajat esebinen kúrdeli jóndeý jumystaryn júrgizý úshin jazbasha ótinish bere alady.
Budan buryn Shymkentte 1 200-den asa azamat jaldamaly páter sýbsıdııasyn maqsatsyz paıdalanǵanyn jazǵan edik.
