Shymkentte belgili asaba esirtkige uqsas zattarmen ustaldy
ASTANA. KAZINFORM — Shymkenttegi qonaq úı keshenderiniń birinde polıtsııa esirtki quraldarynyń zańsyz aınalymyna qatysy bar degen kúdikpen Astana turǵynyn ustady. Ol 36 jastaǵy S. esimdi azamat bolyp shyqty.
Polıtsııanyń málimetinshe, tintý kezinde qonaq úı bólmesinen aq tústi untaq tárizdi zat salynǵan polımerli paket pen ósimdik tektes zat tabylyp, tárkilengen.
Aldyn ala aqparat boıynsha, er adammen birge ıntımdik qyzmet kórsetken áıel de bolǵan.
Ustalǵan azamat tárkilengen zattardyń mefedron jáne «mak» ekenin aıtyp, olardy jeke paıdalaný úshin satyp alǵanyn túsindirgen.
Qazirgi ýaqytta tárkilengen zattardyń naqty quramy men mólsheri anyqtalyp jatyr.
Atalǵan fakti boıynsha sotqa deıingi tergeý bastaldy. Tergeý múddesine baılanysty ózge aqparat QR QPK-niń 201-babyna sáıkes jarııa etilmeıdi.
Eske salaıyq, munyń aldynda Shymkentte esirtki saıttaryn jarnamalaǵan kúdikti ustalǵanyn jazǵanbyz.
