Shymkentte báısheshek gúldedi
ShYMKENT. KAZINFORM - Shymkentte kún raıynyń jylynýyna oraı kóktemniń alǵashqy nyshandary biline bastady.

Kóktemniń bastalýyna áli bir apta bar. Degenmen, Ońtústikte tabıǵat oıana bastady. Alǵashqy báısheshektiń búr jarýyn fotograf Tımýr Baıǵulov Shymkent dendrosabaǵynda sýretke túsirip alǵan.
— Bárińe sálem, qarańdarshy qandaı ádemi! Aqpan aıynda Shymkentte báısheshek paıda boldy. Men qazir dendrosaıabaqtamyn, túsirilim jasaımyn, - degen Tımýr Baıǵulov vıdeosyn jelige júktep, kópshilikpen bólisti.
Aıta keteıik, budan buryn Túrkistan oblysynda báısheshek gúldep, saryshunaqtar ininen shyǵa bastaǵanyn jazǵan bolatynbyz.
«Syrdarııa-Túrkistan» memlekettik óńirlik tabıǵı parkiniń aýmaǵynda gúldegen báısheshekti tabıǵat qorǵaýshylar sýretke túsirip alǵan. Al, tabıǵat janashyrlary bul qalypty qubylys degen baǵa berip otyr.