Shymkentte baýyry jyrtylyp ketken Túrikmenstan azamatyna birneshe ota jasaldy
ShYMKENT. KAZINFORM – 27 jastaǵy azamattyń qazirgi jaǵdaıy jaqsy.
Shymkent qalalyq №1 klınıkalyq aýrýhanaǵa jedel járdem kóligimen aýyr halde Túrikmenstan azamaty jetkizilgen. Jaraqaty men densaýlyq jaǵdaıyna qaraı dárigerler 27 jastaǵy azamatqa birneshe operatsııa jasady.
Aldymen naýqastyń baýyry jyrtylýynan ishinen qan ketýin toqtatatyn ota jasady. Baýyr qyzmeti jaqsarǵan patsıentke ekinshi kezeńde ortopedııalyq ota jasalyp, aıaq súıeginiń synǵanyna baılanysty fıksatsııa qoıyldy.
Sondaı-aq, tekserý barysynda naýqasta tromb anyqtalǵan. Trombtyń qaýiptiligi operatsııaǵa qarsy kórsetkish bolǵandyqtan, trombty toqtatý úshin naýqastyń tamyrynyń ishine kava fıltr qoıyldy. Kava fıltr – ol arnaıy temir, tor tárizdes, aıaqtaǵy trombtyń júrekke ketpeýin jáne operatsııadan aman-esen shyǵýyna kómek beretin medıtsınalyq qural.
Shymkent qalasyndaǵy aýrýhanada kómek kórsetilgen azamattyń qazirgi jaǵdaıy jaqsy. Dárigerler operatsııalardyń sátti ótkenin alǵa tartty.
Aıta keteıik, budan buryn Túrkistan oblysynda alǵash ret baýyr transplantatsııasy jasalǵanyn jazǵan bolatynbyz.